Бөлүмдөр
Шейшемби, 23-октябрь
Баткен облусуКадамжай району 15.12.2017 11:34

Көк-Талаада пайдубалы бүткөн мектептин курулушу 2 жылдан бери токтоп турат

Turmush -  Кадамжай районунун Көк-Талаа айылында 2015-жылы пайдубалы курулган мектептин курулуш иштери токтоп турат. Бул тууралуу жергиликтүү тургундар билдиришти.

Маалыматка караганда, алар бул боюнча Билим берүү жана илим министрлигине арызданышкан. Министрлик аталган мектептин курулушу 2018-2019-жылдардын титулдук тизмесине киргизип, акча каражатын бөлүп берүү маселеси Финансы министрлигине сунуштала турганын айткан.

Өкмөткө караштуу Архитектура, курулуш жана турак жай коммуналдык чарба мамлекеттик агенттиги кайрылууга жооп берген.

Анда: «275 орундуу мектептин сметалык баасы түзүлүп, тендер өткөн. Ишканалардын бири тарабынан курулуш иштери жүргүзүлүп, 300 миң сомдук жумуштар аткарылган. Окуу имаратынын пайдубалы толук бүткөн. Курулушту улантуу үчүн 2018-жылдын республикалык бюджетинин эсебине киргизүүнү Финансы министрлигине сунушталарын билдиребиз», - деп айтылат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×