Бөлүмдөр
Жума, 17-август
Баткен

Кадамжай шаарынын 5 жылдык мааракесине Өзбекстандан коноктор келишти

Turmush -  Кадамжай шаарынын 5 жылдыгы чоң майрамдык кече менен коштолду. Кечээ, 29-декабрда өткөн иш-чарага өкмөттүн Баткен облусундагы ыйгарым укуктуу өкүлчүлүгүнүн өкүлдөрү, район акими Жаныбек Исаков, шаар мэри Бакыт Бегалиев, мамлекеттик мекеме-ишканалардын жетекчилери жана шаар тургундары катышты.

Майрамдык салтанаттын алкагында спорттук оюндар, кол күрөш, таш көтөрүү боюнча мелдештер уюштурулуп, Өзбекстандан келген коноктор тарабынан концерттик программалар да тартууланды.

«Оюн-зооктордун алкагында мергенчилер арасында да жарыш өткөрүлүп, жыйынтыгында жеңүүчүлөр шаар мэриясы тарабынан акчалай сыйлыктар менен сыйланды. Ошондой эле, шаардын өнүгүүсүнө кошкон салымы үчүн жеке ишкерлер жана мамлекеттик мекеме-ишканалардын жетекчилери ардак грамоталарга ээ болушту. Салтанаттын аягында сый тамак уюштурулду», - деп айтылат маалыматта.

Кадамжай 2012-жылы район тибиндеги шаар макамын алган.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2630
Комментарии
Для добавления комментария необходимо быть нашим подписчиком
Көп окулду
×