Бөлүмдөр
Шейшемби, 11-декабрь
Баткен облусуКадамжай району 15.03.2018 14:12

Кадамжайда алманын карлик көчөттөрүн өстүрүү колго алынууда

Turmush -  Кадамжай районунда алманын карлик көчөттөрүн өстүрүү колго алынууда.

Адистердин айтымында, район аймагындагы кең талааларга 2 жыл мурда отургузулган көчөттөр былтыр алгачкы түшүмүн берген. Карлик көчөттөрү гектарынан 3 жылда 30 тонна, 5 жылда 50 тонна түшүм берет. Бул бактардын мөмөсү жыш жайгашып, түшүмдүү келип, 30 жылдан ашуун мөмө берет. Сербия, Голландия мамлекеттеринен алынып келинген көчөттөр облустун бардык аймактарында сатылууда.

Бүгүнкү күнгө облустун 3 айыл аймагындагы 50 үй-бүлөдөн түзүлгөн «Арпа-Сай береке багы» айыл чарба кооперативи карлик көчөттөрүн отургузууну колго алып, аны кеңейтүү багытында иштеп жатат.
Ошондой эле, Өткүржан Асанбаев жетектеген чакан кооператив 6 гектар жерге 2 жыл мурун көчөттөрдү отругузуп, быйыл гектарына 30-40 тонна түшүм алууну көздөп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×