Бөлүмдөр
Жекшемби, 20-январь
Баткен облусуКадамжай району 22.11.2018 09:47 На русском

Кадамжайда таза суу чыгаруу иштери жүрүп жатат

Turmush -  Кадамжай районунда таза суу тартыштыгы акырындап чечилүүдө. Бул тууралуу Кадамжай шаардык кеңешинин төрагасы Максатбек Абдирайимов билдирди.

Анын айтымында, Кадамжайда 20 миң, Чалташ-Таш жана Пүлгөн айылдарында 6 миң калк бар. Бул айылдарда дээрлик суу жок. Райондун борборунда жашаган 9 миң адамга суу сааты менен берилет. Учурда райондун Пүлгөн айылына суу түтүгүн тартуу иштери жүрүүдө. Жалпы сметалык баасы 6 млн сомдук таза суу долбоору ишке ашып бүтсө, Пүлгөн айылынын эли таза суу менен камсыз болот.

Ал эми курулуш иштерин жүргүзүп жаткан ишкананын башчысы Садир Ибрайимовдун айтымында, аталган иштер 3 ай ичинде аяктайт.

«Учурда 300 кубдук резервуардын ордун казып жатабыз. 2,5 км суу түтүктөрү тартылат. Иштерди 3 айдын тегерегинде бүтүрөбүз», - деди ал.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×